برطانیہ: وزیراعظم بورس جانسن کی حالت مستحکم

ڈاؤننگ اسٹریٹ نے ایک بیان میں کہا کہ 'وزیر اعظم کی حالت مستحکم ہےاوران کی بہت زیادہ دیکھ بھال کے لیے انہیں آئی سی یو میں رکھا گیا ہے'۔

کورونا وائرس 'كووڈ -19' سے متاثر ہونے کی وجہ سے آئی سی یو میں داخل کرائے گئے برطانیہ کے وزیر اعظم بورس جانسن کی حالت مستحکم ہے اور انہیں دوسرے دن بھی آئی سی یو میں رکھا گیا ہے۔ وزیر اعظم کے دفتر نے منگل دیر رات کو یہ اطلاع دی۔

ڈاؤننگ اسٹریٹ نے ایک بیان میں کہا کہ 'وزیر اعظم کی حالت مستحکم ہےاوران کی بہت زیادہ دیکھ بھال کے لیے انہیں آئی سی یو میں رکھا گیا ہے'۔

قابل غور ہے کہ '55 سالہ برطانوی وزیر اعظم جانسن کو کورونا وائرس کی علامات ملنے کے بعد اتوار کو اسپتال میں داخل کرایا گیا تھا جس کے بعد ان کی حالت بگڑنے پر پیر کو انہیں لندن کے سینٹ تھامس اسپتال کے آئی سی یو میں داخل کرایا گیا ہے۔

ان کی جگہ مقرر کئے گئے سکریٹری خارجہ ڈامنک ریب نے کہا کہ 'مجھے امید ہے کہ وزیر اعظم بہت جلد اس سے نکل جائیں گے'۔