آسٹریلیا کےجنگل میں بھیانک آتشزدگی

آسٹریلیا کے نیو ساؤتھ ویلز میں جنگل میں آگ لگنے کے سبب تین افراد کی موت ہو گئی اور کئی دیگر لاپتہ ہو گئے۔

نیو ساؤتھ ویلز رورل فائر سروس نے بتایا کہ آگ لگنے کی وجہ سے تین افراد کی موت ہو گئی اور سات افراد جھلس گئے۔ مہلوکین کی تعداد بڑھنے کا خدشہ ہے۔

جنگل میں آگ لگنے کی وجہ سے کم از کم 150 مکان جل کر راکھ ہو گئے۔ فائر سروس اہلکار جلداز جلد آگ بجھانے کی کوشش میں مصروف ہیں۔

اس دوران اسٹیٹ پریمیئر گلیڈی بیری جيكليان نے کہا، '' سوگوار کنبے کے ساتھ ہماری تعزیت ہے۔''

نیو ساؤتھ ویلز کمشنر شین فٹزیمنس نے فائر سروس اہلکاروں کا شکریہ ادا کیا ہے۔ انہوں نے بتایا کہ ایک شخص کی جھلسی ہوئی لاش شمالی سمندر میں گلین انس شہر کے نزدیک ایک گاڑی میں سے برآمد ہوئی۔ ایک اور خاتون جھلسی ہوئی حالت میں ملی جس نے علاج کے دوران دم توڑ دیا۔ ایک دیگر شخص کی بھی موت ہوئی ہے۔