یوروپ میں کورونا معاملات میں اضافہ سے ڈبلیو ایچ او فکرمند

ڈائرکٹر ہنس کلوج نے کہا کہ گزشتہ ہفتہ، اس علاقہ کا ہفتہ وار اعداد و شمار 3,00,000 سے زیادہ مریضوں سے زیادہ تھا۔

عالمی صحت تنظیم (ڈبلیو ایچ او) کے یوروپ معاملات کے علاقائی ڈائرکٹر ہنس کلوج نے جمعرات کو یوروپ میں کووڈ-19 کے معاملات میں اضافہ پر تشویش ظاہر کرتے ہوئے کہا کہ اب آرہے ہفتہ وار وبا کے معاملات مارچ میں چوٹی پر رہنے کے دوران رپورٹ کئے گئے معاملات سے زیادہ ہوگئے ہیں جنہیں 'ویک اپ کال' کے طورپر لینا چاہیے۔

کلوج نے ایک بریفنگ میں کہا کہ ہمارے سامنے نہایت سنگین صورتحال ہے۔ ہفتہ وار معاملات اب ان لوگوں سے زیادہ ہوگئے ہیں جب مارچ میں وبا پہلی بار یوروپ میں اپنی بلندی پرپہنچ گئی تھی۔

انہوں نے کہا کہ گزشتہ ہفتہ، اس علاقہ کا ہفتہ وار اعداد و شمار 3,00,000 سے زیادہ مریضوں سے زیادہ تھا۔گذشتہ دو ہفتوں میں نصف سے زیادہ یوروپی ممالک میں معاملات دس فیصد سے زیادہ کا اضافہ درج ہوا ہے۔ ان میں سے سات ممالک میں نئے آئے معاملات میں اسی مدت میں دو گنا سے زیادہ اضافہ ہوا ہے۔

انہوں نے کہاکہ یوروپ کے سخت عوامی صحت اقدامات نے جون میں کورونا کے معاملات کو نیچے لا دیا تھا۔