مشرقی کروشیا میں اتوار کی صبح پیش آنے والے ایک بس حادثے میں کم از کم دس افراد ہلاک اور 40 سے زائد زخمی ہوگئے۔ مقامی میڈیا نے یہ اطلاع دی ہے۔
قومی خبر رساں ایجنسی کے مطابق یہ حادثہ کروشیا کے مشرقی شہر سلاونسکی بروڈ کے نزدیک اے 3 شاہراہ پر پیش آیا۔ یہ بس کوسوو کی رجسٹرڈ تھی اور وہ جرمن شہر فرینکفرٹ سے کوسوو کے پرسٹینا جارہی تھی۔
بس میں 60 سے زیادہ افراد سوار تھے۔ حادثہ کی شکار بس کی کھڑکی کے کانچ ٹوٹے ہوئے ہیں۔ امدادی کارکن بس کے آس پاس موجود ہیں۔