کینیڈا میں کرین حادثے میں متعدد افراد ہلاک

حادثہ کے بعد عمارت کے قریب کا علاقہ خالی کرالیا گیا ہے۔

کینیڈا کے صوبہ برٹش کولمبیا کے شہر کیلوونا میں کرین گرنے سے متعدد افراد ہلاک اور تین زخمی ہوگئے۔

میڈیا رپورٹس کے مطابق یہ حادثہ اس وقت پیش آیا جب زیر تعمیر ایک عمارت سے منسلک ایک کریپ سائڈ ایک مکان پر گرگئی۔ اس حادثے میں متعدد افراد کی موت ہوگئی جب کہ تین دیگر کے زخمی ہونے کی اطلاعات ہیں۔ حالانکہ مرنے والوں کی اصل تعداد معلوم نہیں ہوسکی ہے۔

اس حادثہ کے بعد عمارت کے آس پاس کا علاقہ خالی کرالیا گیا ہے۔ عمارت کے گرنے سے جان و مال کو لاحق خطرے کو مدنظر رکھتے ہوئے شہر میں مقامی ہنگامی صورتحال کا اعلان کیا گیا ہے۔

(یو این آئی)