روس نے آئندہ 30 دنوں میں کورونا وائرس کے لیے تیار شدہ ویکسین اسپوتنک - وی کی 40 لاکھ خوراکیں تیار کرنے کا منصوبہ بنایا ہے۔
ویکسین تیار کرنے والے تحقیقی مرکز کے سربراہ الیگزینڈر گینٹزبرگ نے آج یہ اطلاع دی۔
روس کا 40 لاکھ کورونا خوراک تیار کرنے کا منصوبہ مسٹر گینٹزبرگ نے کہا کہ 'ہم امید کرتے ہیں کہ آئندہ ایک مہینے میں کورونا ویکسین اسپوتنک - وی کی 40 لاکھ خوراکیں تیار ہوں گی'۔
خیال رہے کہ گزشتہ ماہ کووڈ 19 کے خلاف بڑے پیمانے پر ویکسینیشن مہم کا آغاز روس میں اسپوتنک-وی کے ویکسین سے ہوا تھا۔ روس میں اب بھی دسیوں ہزار افراد میں جدید جانچ پڑتال جاری ہے۔
روسی وزیر صحت میخائل مورشکو نے کہا کہ آٹھ لاکھ سے زائد افراد کو پہلے ہی کورونا کی خوراک دے دی گئی ہے اور 15 لاکھ سے زیادہ خوراکیں روس کے علاقوں میں تقسیم کی جاچکی ہیں۔
یہ بھی پڑھیں: پوپ فرانسس کی عوام سے کورونا ویکسین لگوانے کی اپیل
فرنٹ لائن ورکرز جیسے ڈاکٹرز اور اساتذہ کو سب سے پہلے کورونا کی دوا دی گئی۔
گزشتہ ہفتے وزارت صحت نے اسپوتنک - وی کو 60 برس سے زیادہ عمر والوں میں استعمال کرنے کے لیے اجازت دے دی ہے۔
روسی حکام نے 3 لاکھ سے زیادہ تصدیق شدہ کورونا وائرس کے انفیکشن کی اطلاع دی ہے جو دنیا میں چوتھا سب سے زیادہ متاثر ملک ہے اور 58،000 سے زیادہ اموات ہوئی ہیں۔
