پوتن کی صحت کی افواہیں درست نہیں ہیں: پیسکوف

کریملن کے ترجمان دیمتری پیسکوف نے منگل کے روز روس کے صدر ولادمیر پوتن کی مبینہ صحت سے متعلق مسائل کے بارے میں افواہوں کی تردید کرتے ہوئے کہا ہے کہ یہ سب ’بے بنیاد‘ ہے۔

پیسکوف نے پیر کے روز صدر کے بارے میں جاری معلومات پر بھی تبصرہ کیا۔ انہوں نے بتایا کہ کریملن بخوبی واقف ہیں کہ ان معلومات کے پیچھے کون ہے۔
پیسکوف نے صحافیوں کو بتایا ’’صدر کی صحت سے متعلق جاری معلومات بے بنیاد ہیں۔ میرے خیال میں اس میں کوئی شائستگی نہیں ہے۔ وہ ہم سے پوچھ سکتے تھے ، ہم اس کا جواب دیتے۔‘‘

انہوں نے یقین دہانی کرائی کہ پوتن اپنے خلاف پھیلنے والی خبروں سے پریشان نہیں ہیں۔ ہمیشہ ایسی ہی خبریں آتی رہی ہیں اور صدر نے ان پر کبھی توجہ نہیں دی۔
مسٹر پیسکووف نے کہا ’’یہ صدر کی پسند ہے۔ انہوں نے کئی بار واضح طور پر کہا ہے اور وہ ان اصولوں پر مستقل طور سے عمل پیرا ہیں۔ جیسا کہ دلیل دی جاتی ہے کہ شہریوں کو ایک صدر کو جاننا چاہئے ، کیونکہ انہوں نے صدر منتخب کیا ہے۔ تمام شہری صدر کے بارے میں جانتے ہیں۔‘‘

(اسپوتنک/ یو این آئی)