Romanian Mayor Angry at Indian Minister Scindia: میں نے کھانے کا بندوبست کیا آپ نے نہیں، رومانیائی میئر نے جیوتی رادتیہ سندھیا سے کیوں کہا؟

رومانیائی میئر اور مرکزی وزیر جیوتی رادتیہ سندھیا کے درمیان تلخ کلامی کا ایک ویڈیو سوشل میڈیا پر وائرل ہورہا ہے جس میں رومانیائی میئر کو یہ کہتے ہوئے سنا اور دیکھا جاسکتا ہے کہ "ارے، ہم نے جگہ کا بندوبست کیا، کھانے کا بندوبست بھی ہم نے کیا آپ نے نہیں۔ ان کو سمجھائیں''۔Romanian Mayor Angry at Indian Minister

جنگ زدہ یوکرین سے بھارتی شہریوں کے انخلاء کے درمیان، سوشل میڈیا پر ایک ویڈیو وائرل ہو رہا ہے جس میں ایک رومانیہ کے اہلکار، جس کی شناخت 'رومانیائی میئر' کے طور پر کی جا رہی ہے، مرکزی وزیر جیوتی رادتیہ سندھیا کو ملک میں پھنسے ہوئے ہندوستانی طلباء کو مبینہ طور پر نکالنے کے لیے سرزنش کرتے ہیں۔Romanian Mayor Angry at Indian Minister

مجھے وہ بولنے دو جس پر مجھے بولنا ہیں۔ سندھیا کو بظاہر مشتعل انداز میں رومانیہ کے اہلکار کو بتاتے ہوئے دیکھا گیا ہے۔ جس کے جواب میں رومانیائی میئر نے کہا کہ، انھیں سمجھاو کہ یہ لوگ گھر کب پہنچیں گے "

سندھیا ایک بار پھر 'میئر' کو روکنے کی کوشش کرتے ہیں اور انہیں رکنے کو کہتے ہیں۔ انہوں نے کہا کہ ''میں انہیں بتاؤں کہ مجھے انہیں کیا کہنا ہے۔ برائے مہربانی وہاں کھڑے رہیں"۔

سندھیا کے اسی جملے نے رومانیہ کے میئر کو ناراض کر دیا اور اس پر میئر نے کہا کہ "ارے، ہم نے جگہ کا بندوبست کیا۔ کھانے کا بندوبست بھی ہم نے کیا آپ نے نہیں۔ ان کو سمجھائیں''۔

سوشل میڈیا پر وائرل ہونے والی 21 سیکنڈ کی ویڈیو کے اختتام پر، سندھیا طلباء سے کہتے ہوئے نظر آ رہے ہیں، "تو یہ منصوبہ ہے۔ ہم سب ایک ایک کر کے ہر پناہ گاہ سے باہر نکلتے ہیں۔ "مجھے رومانیہ کے حکام کا شکریہ ادا کرنے دیں،" مرکزی وزیر نے بظاہر مشتعل 'میئر' کو پرسکون رہنے کے لیے کہا۔

وہیں سوشل میڈیا پر ایک صارف نے لکھا کہ جملے بھارت میں کام کر سکتے ہیں، لیکن غیر ملکی سرزمین پر نہیں۔ دیکھیں کہ رومانیہ کے میئر نے ایک ریلیف کیمپ میں شہری ہوابازی کے وزیر جیوتی رادتیہ کو کیسے پڑھایا۔

سندھیا، تین دیگر مرکزی وزراء ہردیپ پوری، کرن رجیجو اور وی کے سنگھ کے ساتھ فی الحال یوکرین سے ہندوستانی شہریوں کے جاری انخلاء کی نگرانی کے لیے رومانیہ میں ہیں۔

روس کے حالیہ حملے کے بعد جنگ سے تباہ حال یوکرین کی فضائی حدود بند ہونے کے بعد، ہندوستانی حکام رومانیہ کے دارالحکومت بخارسٹ سے شہریوں کو باہر نکال رہے ہیں۔

حکمراں پارٹی بی جے پی جاری انخلاء کو اپنے فائدے کے لیے استعمال کرنے کی کوشش کر رہی ہے۔ جہاں انخلاء کو مربوط کرنے والے چار وزراء طلباء کے ساتھ پوز دیتے ہوئے نظر آ رہے ہیں، وہیں گھر واپس آنے والے بی جے پی رہنما حکومت کی تعریف کرنے کے لیے انخلاء کی تصاویر اور ویڈیوز شیئر کرتے ہوئے نظر آ رہے ہیں۔

حکام کے مطابق، 3,726 ہندوستانیوں کو آج بخارسٹ سے آٹھ پروازوں، سوسیوا سے دو پروازوں، کوسیس سے ایک پرواز، بوڈاپیسٹ سے پانچ پروازوں، اور ریززو سے تین پروازوں کے ذریعے وطن واپس لایا جانا ہے۔