شاہی خاندان سے جدائی پر ہیری نے شدید تکلیف کا اظہار کیا

ہفتے کے روز بکنگھم پیلیس نے ایک بیان جاری کیا پرنس ہیری اور ان کی بیوی میگھان اب شاہی خاندان کے اپنےشاہی خطاب کا استعمال نہیں کر سکیں گے۔

برطانیہ کے شاہی خاندان کے پرنس ہیری نے شاہی خاندان سے جدا ہونے کے موقع پر شدید تکلیف کا اظہار کرتے ہوئے کہا کہ ان کے پاس سوائے اس کے کوئی راستہ نہیں تھا۔

شہزادہ ہیری نے یہاں عطیہ سے منسلک تقریب میں کہا 'یو کے میرا گھر اور ایسی جگہ ہے جس سے میں پیار کرتا ہوں اور وہ کبھی نہیں بدلے گا۔ میں اور میگھان بغیر کسی عوامی چندے کے ملکہ کی خدمت کرنے کو تیار تھے۔ بدقسمتی سے یہ ممکن نہیں تھا'۔

شاہی خاندان کے رکن نے کہا 'ہم نے شاہی خاندان کی اعلیٰ رکنیت سے پیچھے ہٹتے ہوئے مالی طور پر آزاد ہونے کا فیصلہ کیا ہے'۔

ایک پروگرام سے خطاب کرتے ہوئے انہوں نے کہا 'ہمارے لیے آسان فیصلہ نہیں تھا اور ہمارے پاس دوسرا کوئی راستہ نہیں تھا'۔

انہوں نے کہا یہ کئی برسوں کے چیلنج کے بعد کئی مہینوں کی بات چیت تھی، 'مجھے پتہ ہے کہ میں ہمیشہ ٹھیک نہیں کر تا ہوں لیکن اس کے علاوہ میرے پاس کوئی راستہ نہیں تھا'۔

ہفتے کے روز بکنگھم پیلیس نے ایک بیان جاری کیا پرنس ہیری اور ان کی بیوی میگھان اب شاہی خاندان کے اپنےشاہی خطاب کا استعمال نہیں کر سکیں گے۔ انھیں اپنی شاہی خدمات کے لیے عوامی چندے نہیں حاصل کر سکیں گے۔