پوپ فرانسس کی عوام سے کورونا ویکسین لگوانے کی اپیل

عیسائیوں کے مذہبی پیشوا پوپ فرانسس نے عوام سے کورونا ویکسین لگوانے کی اپیل کی ہے۔ انہوں نے خود کو اور دوسروں کو اس وائرس سے بچانے کی بھی اپیل کی ہے۔

عام لوگوں کو کورونا سے بچاؤ کی ويکسين لگوانے کی تلقين کرتے ہوئے پاپائے روم بھی فعال ہو گئے ہيں۔ پوپ فرانسس کا ايک انٹرويو گزشتہ روز سے نشر کيا جا رہا ہے جس ميں انہوں نے ويکسين کے حوالے سے شکوک و شبہات رکھنے والوں پر تنقيد کی ہے۔

پاپائے روم نے بتايا کہ وہ بھی ويٹيکن ميں آئندہ ہفتہ ويکسين لگوا رہے ہيں۔

دریں اثنا، برطانوی حکام نے تصديق کی کہ ملکہ الزبتھ اور ان کے شوہر پرنس فلپ کو گزشتہ روز ويکسين لگا دی گئی۔ ملکہ الزبتھ نے اس حوالہ سے کوئی بيان جاری نہيں کيا۔ برطانيہ ميں اب تک تقريباً دو ملین افراد کو کورونا کی ويکسين دی جا چکی ہے۔

عیسائیوں کے مذہبی پیشوا پوپ فرانسس

بتا دیں کہ 84 سالہ پوپ کو جلد ہی کورونا ویکسین دی جائے گی، حالانکہ ویٹیکن نے پہلے ہی اعلان کیا تھا کہ وہ اس ماہ کے آخر میں ویکسینشن مہم شروع کرے گا۔

ویٹیکن سٹی میں کورونا کے کم از کم 27 تصدیق شدہ واقعات ہوئے ہیں۔