نیوزی لینڈ کی وزیر اعظم جیسنڈا آرڈن نے اپنے ملک کی سرحد کی پابندوں کو انتہائی مشکل بنانے کی بات کہی ہے، تاکہ دنیا کی سب سے مشکل سرحدی پابندیاں ہونے کے سبب کورونا وائرس کے پھیلاؤ کو روکا جا سکے۔
16 مارچ سے نیوزی لینڈ میں ملک کے شہریوں سمیت آنے والے تمام مسافروں کو 14 دن کے لیے علیحدہ رکھا جائے گا۔
خیال رہے کہ نیوزی لینڈ میں اب تک کورونا وائرس کے صرف 6 تصدیق شدہ واقعات سامنے آئے ہیں۔ یہ سبھی افراد دوسرے ممالک کے مسافر ہیں۔ اب تک کسی بھی مقامی شخص کے متاثر ہونے کی کوئی اطلاع نہیں ہے۔
اس اعلان کردہ اقدامات سے نیوزی لینڈ کی سیاحت کی صنعت پر بڑا اثر پڑے گا، جو کہ ملک کے لیے غیر ملکی آمدنی کا بے حد بڑا ذریعہ ہے۔
واضح رہے کہ فی الحال دنیا کے 116 ممالک میں کورونا وائرس پھیل چکا ہے۔ اور دنیا بھر میں اس سے متاثرین ہونے والوں کی تعداد ایک لاکھ 45 ہزار 768 تک پہنچ چکی ہے۔ ان میں سے 5529 افراد کی موت ہو چکی ہے۔ حالانکہ متاثرین میں سے اکثر افراد صحت یاب ہو کر اپنے گھر لوٹ چکے ہیں۔
