انقرہ: روس کے صدر ولادیمیر پوتن Russian President Vladimir Putin نے رجب طیب اردگان سے کہا کہ 'انہیں یوکرینی صدر زیلنسکی کے ساتھ میٹنگ کرنے میں کوئی اعتراض نہیں ہے۔
ترکی کے وزیر خارجہ مولود جاویش اوغلو نے اتوار کو یہ اطلاع دی۔ انہوں نے بتایا کہ روس اور ترکی کے لیڈروں کے مابین ٹیلی فون پر بات چیت چھ مارچ کو ہوئی تھی۔
جاویش اوغلو نے ایک پریس کانفرنس میں کہاکہ ہم (روس اور یوکرین) کے لیڈروں کی میٹنگ کے انعقاد کے لیے سخت محنت کررہے ہیں۔ جنگ کی شروعات سے پہلے بھی ہم نے کوشش کی تھی۔ اصولی طورپر پوتن نے صدر کے ساتھ ٹیلی فون پر بات چیت کے دوران کہاکہ انہیں اس طرح کی میٹنگ پر کوئی اعتراض نہیں ہے۔ یوکرینی فریق تیار ہے۔ بیلاروس میں پارٹیوں کے مابین تکنیکی بات چیت جاری ہے۔