گرفتاری کے خوف سے سابق صدر کی خودکشی

پیرو کے 69 سالہ سابق صدر ایلن گارسیا نے بدعنوانی کے ایک مقدمے میں گرفتاری کے خوف سےخود کو گولی مارلی۔ انہیں اسپتال میں داخل کرایا گیا جہاں ان کی علاج کے دوران موت ہوگئی۔

گارسیا کی امریکہ پیپلر ریویلیوشنری الائنس (اپرا) پارٹی کے جنرل سکریٹری عمر قصادہ نے بتایا کہ ایلن گارسیا کی موت ہوگئی۔ پیرو کے صدرمارٹن وجے کارا نے اپنے ٹوئٹر اکاؤٹ پر گارسیا کی موت پر تعزیت کا اظہار کیا ہے۔

وجے کارا نے ٹوئٹ کیا' سابق صدر گارسیا کی موت کی خبر سن کر مایوسی ہوئی۔ ان کے کنبہ اور لواحقین سے میں اظہار تعزیت کرتا ہوں'

گارسیا 90-1985تک اور اس کے بعد 11-2006 تک صدر رہے برازیل کی کمپنی اوڈی بریچٹ کو ٹھیکہ دینے میں ہوئی بدعنوانی کے معاملے میں پولیس انہیں گرفتار کرنے والی تھی۔

پیرو کے وزارت صحت نے بتایا کہ گارسیا نے سر میں گولی مارلی تھی، وزیر صحت جلیما ٹومس نے بتایا کہ اسپتال میں سرجری کے دوران انہیں تین بار دل کا دوہ پڑا۔