اٹلی: چوبیس گھنٹے میں کورونا کے سب سے کم کیسز درج

اٹلی میں رفتہ رفتہ کورونا وائرس کا قہر تھم رہا ہے، گزشتہ چوبیس گھنٹے میں یہاں محض 802 نئے کیسیز درج کیے گئے جبکہ 165 افراد ہلاک ہوئے ہیں۔

اٹلی میں گزشتہ 24 گھنٹے میں کورونا وائرس کے 802 نئے کیسز سامنے آئے ہیں اور اس سے یہاں 165 افراد ہلاک ہوئے ہیں۔

گزشتہ دو ماہ میں اٹلی میں ایک دن میں سب سے کم کیسز درج کئے گئے ہیں۔ اٹلی میں کورونا وائرس سے اب تک 30 ہزار 560 افراد ہلاک ہوچکے ہیں جبکہ مجموعی طور پر 2 لاکھ 19 ہزار 70 مریض اس وبا سے متاثر ہیں۔

اٹلی میں کورونا وائرس کے قہر کے سبب گزشتہ 10 مارچ سے لاک ڈاؤن نافذ ہے۔ تاہم یہاں اب تک کورونا کے مجموعی 1 لاکھ 5 ہزار 186 مریض صحت یاب بھی ہوئے ہیں۔