کرناٹک کے اڈوپی کے ایک کالج سے شروع ہونے والا حجاب تنازعہ اب ہائی کورٹ میں زیر سماعت ہے لیکن یہ تنازعہ قومی ہونے کے ساتھ ساتھ بین الاقوامی سطح پر بھی پہنچ گیا ہے۔ مانچسٹر یونائیٹڈ کے فرانسیسی فٹبالر پال پوگبا نے اس تنازعہ پر انسٹا گرام میں ایک اسٹوری شیئر کی ہے۔Paul Pogba on Hijab Row
انسٹاگرام پر اسٹوری شیئر کرتے ہوئے پال نے حجاب تنازعہ پر ایک وائرل ویڈیو پوسٹ کی جس کے ساتھ انہوں نے لکھا، ہندوتوا کا ہجوم حجاب پہننے پر کالج میں مسلم لڑکی کو نشانہ بنا رہا ہے۔ پال کی اس کلپ کا آغاز لڑکوں کے ایک بڑے ہجوم سے ہوتا ہے جو زعفرانی اسکارف پہنے (یا لہراتے ہوئے) حجاب پہنے نوجوان لڑکیوں کے ایک چھوٹے سے گروپ کو گھیرے ہوئے ہیں اور نعرہ بازی کر رہے ہیں۔
یہ بھی پڑھیں: Malala Yousafzai Reacts To Karnataka Hijab Row: کرناٹک حجاب معاملہ پر ملالہ یوسف زئی کا ٹویٹ
فٹبالر پال پوگبا، ایک فرانسیسی شہری جس کی والدہ مسلمان ہیں، وہ ورلڈ کپ جیتنے والی ٹیم کا حصہ بھی رہ چکے ہیں۔ انہوں نے 2013 میں فرانس سے اپنے کیریئر کا آغاز کیا اور 2018 کے ورلڈ کپ میں اہم کردار ادا کیا۔ انہوں نے کروشیا کے خلاف فائنل میں بھی گول کیا تھا۔ وہ پریمیئر لیگ کلب مانچسٹر یونائیٹڈ اور فرانسیسی قومی ٹیم کے لیے کھیلتے ہیں۔ وہ بنیادی طور پر سینٹر مڈفیلڈر کے طور پر کھیلتے ہیں۔
پال پوگبا حجاب تنازعہ کی طرف توجہ مبذول کرانے والے پہلے بین الاقوامی شخصیت نہیں ہے اس سے قبل نوبل انعام یافتہ ملالہ یوسف زئی نے بھی ٹویٹ کرکے حجاب پابندی کو خوفناک قرار دیا تھا۔
ملالہ یوسف زئی نے ٹویٹ کرتے ہوئے لکھا کہ "کالج ہمیں پڑھائی اور حجاب میں سے کسی ایک کا انتخاب کرنے پر مجبور کر رہا ہے"۔ لڑکیوں کو حجاب میں اسکول جانے سے انکار کرنا خوفناک ہے۔ خواتین کا کم یا زیادہ پہننے پر اعتراض برقرار ہے۔ بھارتی رہنماوں کو مسلم خواتین کو پسماندگی میں ڈھکیلنے سے روکنا چاہیے۔Malala Yousafzai tweet on Karnataka hijab issue
