ناروے میں تیر کمان سے حملے میں پانچ افراد ہلاک

پولیس کے مطابق مشتبہ مجرم شہر میں گھومتا ہوا لوگوں پر کمان سے تیر چلا رہا تھا۔ اسے گرفتار کر لیا گیا اور حملے کے محرکات کی تحقیقات جاری ہیں۔

ناروے کے دارالحکومت اوسلو کے قریب بدھ کے روز تیر اور کمان سے لیس ایک شخص نے کئی افراد کو ہلاک اور دیگر کو زخمی کر دیا۔

پولیس کا کہنا ہے کہ مشتبہ حملہ آور کو گرفتار کر لیا گیا ہے۔

ناروے کے براڈکاسٹر این آر کے کے مطابق بدھ کی رات ایک پریس کانفرنس میں کانگس برگ کے پولیس سربراہ اویند آس نے کہا کہ "اس میں کئی افراد زخمی ہوئے ہیں اور کئی ہلاک بھی ہوئے ہیں۔''

تیر کمان سے حملے میں پانچ افراد ہلاک جبکہ دو افراد کے زخمی ہونے کی اطلاع ہے۔

پولیس کے مطابق مشتبہ مجرم شہر میں گھومتا ہوا لوگوں پر تیر چلا رہا تھا۔ اسے گرفتار کر لیا گیا اور حملے کے محرکات کی تحقیقات جاری ہیں۔