روس: کورونا ویکسین کی پہلی کھیپ مختلف ریاستوں میں تقسیم

روس کے قومی وبائی تحقیقی مرکز گیمیلیا کے ذریعہ تیار یہ ویکسین کا نام 'اسپوتنک فائیو' ہے۔ جو روس کے مختلف علاقوں میں بھیج دی گئی ہے۔

روس کی وزارت صحت کے مطابق کورونا وائرس (کووڈ۔19) وبا سے مقابلہ اور موثر علاج کے لیے تیار کردہ ویکسین کی پہلی کھیپ ملک کے مختلف خطوں میں تقسیم کے لئے بھیجی گئی ہے۔

بیان کے مطابق روس کے قومی وبائی تحقیقی مرکز گیمیلیا کے ذریعہ تیار یہ ویکسین کا نام 'اسپوتنک فائیو' ہے۔ جو روس کے مختلف علاقوں میں بھیج دی گئی ہے۔

اس سے ملک میں ویکسین کی فراہمی یقینی بنائی جاسکے گی۔ یہ ویکسین پہلے ان لوگوں کو لگائی جائے گی جن کو کورونا سے زیادہ خطرہ ہے۔

در حقیقت روس دنیا میں پہلا ملک بن گیا جس نے 11 اگست کو کورونا وائرس ویکسین کی منظوری دی تھی۔

یہ ویکسین اگلے برس یکم جنوری سے عام لوگوں کے لیے بھی دستیاب میں ہوگی۔

• مزید پڑھیں: بھارت سمیت عالمی سطح پر کورونا کی تازہ ترین تفصیلات

روس کے گیمیلیاریسرچ انسٹی ٹیوٹ اور وزارت دفاع کے ذریعہ مشترکہ طور سے تیار ’اسپوتنک -5‘ کے نام سے جانی جانے والی کورونا ویکسین سب سے پہلے کورونا متاثرین کے علاج میں مصروف طبی اسٹاف کو دی جائے گی۔

یہ ویکسین’رشین انویسٹمنٹ فنڈ‘ ( آر ڈی آئی ایف ) کے ذریعہ تیار کی گئی ہے۔