وسطی کروشیا میں زلزلے کے شدید جھٹکے، ایک ہلاک، متعدد زخمی

کروشیا میں زلزلہ کے تیز جھٹکے محسوس کیے گئے جس کی شدت ریختر اسکیل 6 اعشاریہ 3 درج کی گئی ہے۔

کروشیا میں آج زبردست زلزلے کے جھٹکے محسوس کیے گئے جس کی وجہ سے علاقے میں افراتفری مچ گئی، لوگ گھروں سے باہر نکل آئے ۔تادم تحریر ایک شخص کی ہلاکت کی اطلاع جبکہ متعدد افراد زخمی بتائے جارہے ہیں۔ جائے وقوع پر راحت رسانی کام جنگی پیمانے پر جاری ہے۔

ابتدائی اطلاعات کے مطابق کروشیا کے دارالحکومت زگرب کے جنوب مشرق میں زلزلہ کے تیز جھٹکے محسوس کیے گئے جس کی شدت ریختر اسکیل 6 اعشاریہ 3 درج کی گئی ہے۔

زلزلے کی شدت اتنی زبردست تھی کہ وسطی شہر پیٹرنجا میں عمارتوں کو شدید نقصان پہنچا ہے۔ جائے وقوع پر راحت ورسانی کا کام جاری ہے۔

کروشیا میں زلزلے کے شدید جھٹکے

مقامی لوگوں نے بتایا کہ زلزلے کی وجہ سے لوگ گھروں سے باہر نکل آئے ، متعدد مقامات پر مکانات میں دراڑیں آنے کی بھی اطلاعات ہیں جبکہ کئی مکانات جھک گئے ہیں۔

کروشین ریڈ کراس تنظیم نے کہا ہے کہ وہ زلزلے کے بعد کروشیا کے پیٹرنجا میں انتہائی سنگین صورتحال پر نظر بنائے ہوئے ہیں۔