UN on Omicron Varient: وائرس سرحدیں نہیں دیکھتا: اقوام متحدہ

انٹونیو گوٹریس نے جنوبی افریقہ اور ہمسایہ ممالک پر سفری پابندیوں کی مذمت کی۔

اقوام متحدہ کے سکریٹری جنرل انٹونیو گوٹریس UN Secretary General Antonio Guterres نے جنوبی افریقہ اور اس کے ہمسایہ ممالک پر سفری پابندیوں کی شدید مذمت کی ہے۔

انٹونیو گوٹریس نے کہا کہ اومیکرون Omicron Varient کے باعث خاص ممالک پر سفری پابندیاں غیر منصفانہ ہیں، ان کا کہنا تھا کہ وائرس سرحد یں نہیں دیکھتا، سفری پابندیاں غیر مؤثر ثابت ہوں گی۔ سکریٹری جنرل اقوام متحدہ کا کہنا تھا کہ سفری پابندیوں کے بجائے مسافروں کی کورونا ٹسٹنگ کو یقینی بنایا جانا چاہیے۔

واضح رہے کہ کورونا کی نئی مہلک قسم اومیکرون امریکہ بھی پہنچ گئی ہے جہاں اومیکرون کا پہلا کیس سامنے آنے کے بعد امریکی اسٹاک مارکیٹس بھی مندی کا شکار ہو گئیں۔ ڈاؤجونز میں 460 پوائنٹس کی کمی ریکارڈ کی گئی، ایس اینڈ پی 500 کے شیئرز ایک اعشاریہ دو فیصد، نصدق کمپوزٹ انڈیکس ایک اعشاریہ آٹھ فیصد گر گئی۔

(یو این آئی)