دنیا بھر میں کورونا متاثرین کی تعداد 70 لاکھ کے قریب پہنچی

عالمی وبأ کورونا وائرس نے تقریباً ہر ملک میں قہر برپا کر رکھا ہے اور اس وبا سے اب تک لاکھوں افراد متاثر ہوئے ہیں جبکہ چار لاکھ افراد کی اموات بھی درج کی گئی ہیں۔

دنیا بھر میں کووڈ-19 کے مریضوں کی 69 لاکھ 67 ہزار 37 تک پہنچ چکی ہے جبکہ 4 لاکھ 1 ہزار 623 افراد ہلاک ہوئے ہیں۔

اس وبا سے دنیا کا سوپر پاور کہلانے والا ملک امریکہ سب سے زیادہ متاثر ہوا ہے یہاں مریضوں کی تعداد 20 لاکھ کے قریب پہنچ چکی ہے جبکہ ایک لاکھ 12 ہزار ہلاکتیں ہوئی ہیں۔

کورونا متاثرین کی تعداد

کورونا وائرس کے معاملے میں دوسرے نمبر پر برازیل ہے جہاں 6،73،587 افراد اس وبأ کی زد میں آئے ہیں اور 35،957 افراد کی اموات درج کی گئی ہے۔

کورونا متاثرہ ممالک کی فہرست میں روس تیسرے نمبر پر ہے جہاں عالمی وبأ سے 4،58،689 افراد متاثر ہوئے ہیں جبکہ 5.725 مریض ہلاک ہوئے ہیں۔