کورونا وائرس: اٹلی میں مرنے والوں کی تعداد 1266 پہنچی

گزشتہ 24 گھنٹوں کے دوران 100 سے زائد افراد کی موت ہوئی ہے ۔ مرنے والوں میں زیادہ تر 80 سے 90 سال کی عمر کے لوگ ہیں۔

اٹلی میں کورونا وائرس (كووڈ -19) سے مرنے والوں کی تعداد بڑھ کر 1266 ہو گئی ہے ۔قومی شہری سکیورٹی ایجنسی کے سربراہ ینجیلو بوریلی نے جمعہ کو یہ اطلاع دی۔

اٹلی میں کورونا وائرس سے متاثر افراد کی تعداد بڑھ کر 17660 ہو گئی ہے۔

بوریلي نے کہا کہ 'گزشتہ 24 گھنٹوں کے دوران 100 سے زائد افراد کی موت ہوئی ہے ۔ مرنے والوں میں زیادہ تر 80 سے 90 سال کی عمر کے لوگ ہیں۔

کورونا وائرس سے متاثر ہ 1045 افراد کو مکمل طور پر صحتیاب ہونے کے بعد اسپتال سے فارغ کر دیا گیا ہے۔

اٹلی کا شمالی صوبہ لومباردیہ اس سے سب سے زیادہ متاثر ہے جہاں سب سے زیادہ لوگوں کی موت ہوئی ہے۔

اٹلی کے وزیر اعظم جوزپے كونٹے نے کورونا وائرس کوپھیلنے سے روکنے کے لئے شمالی اور مرکزی علاقوں میں سفر سے متعلق پابندیا ں عائد کر د ی ہیں۔