دنیا بھر میں کورونا وائرس (کووڈ 19) کے متاثرین کی تعداد دن بہ دن بڑھتی جارہی ہے اور پیر کے روز متاثرہ افراد کی تعداد 90 لاکھ سے تجاوز کرگئی ہے۔
پوری دنیا میں کورونا وائرس وبا کا پھیلاؤ بدستور جاری ہے اور آئندہ چند دنوں میں متاثرین کی تعداد ایک کروڑ تک پہنچنے کا امکان ظاہر کیا جارہا ہے۔
امریکہ کی جان ہاپکنز یونیورسٹی کے سائنس اور انجینئرنگ سینٹر (سی ایس ایس ای) کے جاری کردہ تازہ ترین اعداد و شمار کے مطابق کورونا وائرس اب تک 90،38،807 افراد کو متاثر کر چکا ہے اور دنیا بھر میں 4،69،604 افراد کی اس وبا کی زد میں آنے سے موت ہوچکی ہے ۔
کووڈ ۔19 کے کیسز کے معاملے میں امریکہ دنیا بھر میں پہلے، برازیل دوسرے اور روس تیسرے نمبر پر ہے۔ دوسری طرف اس وبا کی وجہ سے ہلاک شدگان کی تعداد کے معاملے میں امریکہ پہلے، برازیل دوسرے اور برطانیہ تیسرے نمبر پر ہے۔
