برطانیہ: منگل سے کورونا کی ٹیکہ کاری مہم کا آغاز

فائزر/ بایوانٹیک کی کورونا ویکسین کی پہلی خوراک منگل کو برطانیہ میں دی جائے گی۔

برطانیہ میں این ایچ ایس پرووائڈر کے سربراہ کرس ہاپسن نے جمعہ کے روز بتایا کہ 50 ہسپتالوں میں منگل کو کورونا کی ٹیکہ کاری مہم شروع کی جائے گی۔

برطانیہ کی حکومت نے بدھ کے روز فائزر/بایو انٹیک کی کووڈ-19- ویکسین کی منظوری دینے کے لئے ایک آزاد ڈرگس اینڈ ہیلتھ پروڈکشن ریگولیٹری ایجنسی کی سفارش کو بدھ کے روز منظور کر لیا تھا اور کہا تھا کہ آئندہ ہفتے سے یہ ویکسین ملک میں دستیاب کردی جائے گی۔

وزیر صحت میٹ ہنکاک نے بدھ کے روز کہا کہ' برطانیہ نے فائزر / بائیوانٹیک سےحاصل کی گئی چار کروڑ خوراکوں میں سے 800،000 خوراک اگلے ہفتے دستیاب ہوگی۔ مقامی میڈیا نے جمعرات کو بتایا کہ ویکسین کی پہلی کھیپ یوروٹنل کے راستے ملک میں پہنچے گی۔

یہ پوچھے جانے پر کہ کیا منگل کو ٹیکہ لگانے کی تعداد کے لئے کوئی اہداف طے کیے گئے ہیں، اس پر ہاپسن نے کہا کہ 'جتنا زیادہ ممکن ہو سکے۔' تاہم انہوں نے اس بات پر زور دیا کہ ٹیکہ کاری مہم بڑے پیمانے پر اگلے سال جنوری سے مارچ تک چلایا جائے گا۔

برطانیہ کے وزیر تجارت آلوک شرما نے بھی جمعہ کے روز اس بات کی تصدیق کی ہے کہ آئندہ ہفتہ ٹیکہ کاری مہم شروع کرنے کا منصوبہ ہے اور انہیں یقین ہے کہ تب تک تمام 800،000 خوراکیں دستیاب ہوجائیں گی۔