چیک جمہوریہ کے شہری اس وقت اٹلی نہ چھوڑیں : اینڈریج بابز

حکومت چیک جمہوریہ نے اٹلی میں کورونا وائرس پھیلنے پر ملک کی عوام سے گذارش کی ہے کہ وہ اٹلی کا دورہ نہ کریں۔

چیک جمہوریہ کی حکومت نے اٹلی میں كورونا وائرس پھیلنے کے مدِ نظر اپنے شہریوں کو شمالی اٹلی کا دورہ نہ کرنے اور وہاں مقیم رہ رہے چیک کے شہریوں کو بھی اٹلی نہیں چھوڑنے کا مشورہ دیا ہے۔

وزیر اعظم اینڈریج بابز نے منگل کے روز کہا کہ یورپ میں پھیل رہے کورونا وائرس کے مدِ نظر چیک جمہوریہ کی سلامتی کونسل کے اجلاس میں سکیورٹی سے متعلق اقدامات کے تحت اپنے شہریوں کو اٹلی نہ چھوڑنے اور وہاں کا دورہ نہ کرنے کا مشورہ دیا گیا ہے۔

مسٹر بابز نے اجلاس کے بعد پریس کانفرنس میں کہا’’ ہم اپنے شہریوں کو شمالی اٹلی کے لومباردیہ اور وینیتو علاقوں کا دورہ نہ کرنے کا مشورہ دیتے ہیں اور اس صورت حال میں اگر ضروری نہ ہو تو شہریوں کو اٹلی نہ چھوڑنے کا مشورہ دیا جاتا ہے‘‘۔

واضح رہے کہ یورپی ملک اٹلی میں اس وقت كو رونا وائرس سے 10 افراد کی موت ہو چکی ہے اور کم از کم 320 افراد اس سے متاثر ہے‘‘۔

دنیا بھر میں کووڈ 19 متاثرین کی تعداد 80،000 تک پہنچ گئی ہے جبکہ 2700 افراد اس بیماری کی وجہ سے ہلاک ہو گئے ہیں۔