کناڈا ۔ انگلینڈ کے درمیان تجارتی معاہدہ بل پیش
برطانیہ کے ڈپٹی ہائی کمشنر برائے کناڈا ڈیوڈ ریڈ اور کناڈا کے نائب وزیر برائے بین الاقوامی تجارتی امور جان ہانفورڈ نے تجارتی معاہدے پر دستخط کیے تھے جو موجودہ تجارتی نظام کو مؤثر بنائے رکھے گا۔
Canada
کناڈا کی حکومت نے بریگزٹ کے بعد انگلینڈ کے ساتھ نئے تجارتی معاہدے پر عمل درآمد کے لئے ایک بل پیش کیا ہے۔ وزارت خارجہ نے ایک بیان جاری کرتے ہوئے اس کی اطلاع دی ہے۔
قبل ازیں بدھ کے روز برطانیہ کے ڈپٹی ہائی کمشنر برائے کناڈا ڈیوڈ ریڈ اور کناڈا کے نائب وزیر برائے بین الاقوامی تجارتی امور جان ہانفورڈ نے تجارتی معاہدے پر دستخط کیے تھے جو موجودہ تجارتی نظام کو موثر بنائے رکھے گا۔
بیان کے مطابق ’’چھوٹے کاروبار اور بین الاقوامی تجارتی امور کے وزیر میری اینجی نے ایوان میں کناڈا ۔ انگلینڈ تجارتی تسلسل کے معاہدے پر عمل درآمد کے لئے بل سی ۔18 پیش کیا۔
انگلینڈ کے باضابطہ طور پر یورپی یونین چھوڑنے کے بعد اس معاہدہ کے یکم جنوری کو نافذ ہونے کی توقع ہے۔