برطانیہ کے وزیر اعظم بورس جانسن نے فون کرکے جو بائیڈن کو امریکہ کا صدر بننے پر مبارکباد دی اور دونوں رہنماؤں نے کورونا سے نمٹنے کے لیے بھرپور تعاون جاری رکھنے کے عزم پر اتفاق کیا۔
برطانوی وزیر اعظم نے امریکی صدر کے ساتھ پہلی ٹیلیفونک گفتگو کی تصویر ٹویٹ کرکے اس بات کی جانکاری دی۔
یہ بھی پڑھیں: 'ٹرمپ کے خلاف مواخذے کی کارروائی 8 فروری سے شروع ہوگی'
جانسن نے ٹویٹر پر کہا کہ 'آج شام صدر جو بائیڈن سے بات کرکے بہت اچھا لگا'۔ 'میں دونوں ممالک کے مابین اتحاد کو مزید مضبوط ہوتے دیکھنا چاہتا ہوں۔ دونوں ممالک ماحولیاتی تبدیلی اور کورونا وبا سے نمٹنے کے لیے مشترکہ کام کریں گے'۔
بتا دیں کہ جمعہ کے روز، جو بائیڈن نے کینیڈا کے وزیر اعظم جسٹن ٹروڈو اور میکسیکو کے صدر آندرس مینوئل لوپیز اوبریڈور سے بھی بات کی تھی۔