بیلجیم کا یکم اپریل سے سیاحوں پر عائد سفری پابندی ہٹانے کا منصوبہ

بیلجیم کورونا وائرس کے نئے اسٹرین کے خطرات کے سبب رواں برس کے اوائل میں سیاحوں اور بیرون ملک سفر پر عائد پابندی سمیت دیگر پابندیوں کو یکم اپریل سے ہٹانے کی منصوبہ بندی کر رہا ہے۔

یورپی ملک بیلجیم یکم اپریل سے سیاحوں پر عائد سفری پابندی ہٹانے کا منصوبہ بنا رہا ہے۔ بیلجیم کے وزیر اعظم الیگزینڈر ڈی کرو نے یہ اطلاع دی ہے۔

انہوں نے کہا کہ بیلجیم کے حکام جلد ہی ایک تجویز تیار کر کے اسے یورپی کمیشن کو بھیجیں گے جس میں وہ واضح کریں گے کہ پابندیاں عارضی طور پر ہیں اور اس میں صرف متبادل سفر کا ذکر کیا گیا ہے۔

بیلجیم کے وفاقی حکام نے تجویز دی ہے کہ سفری پابندی کے بجائے متاثرہ علاقے میں قرنطینہ اور کورونا جانچ کے سخت ضابطوں پر بات چیت کی جا سکتی ہے۔

اس سے قبل یورپی کمیشن نے کووڈ-19 کی وجہ سے جرمنی اور بیلجیم سمیت متعدد ممالک کی طرف سے یورپی یونین کے ممالک کے درمیان سرحد عبور کرنے پر عائد پابندیوں کو ہدف تنقید بنایا تھا۔

واضح رہے کہ بیلجیم میں اس وقت کورونا وائرس کے دو ہزار سے زیادہ نئے کیسز سامنے آئے ہیں۔ وبا کے آغاز کے بعد سے اب تک اس وبا سے 22،000 سے زیادہ افراد ہلاک ہوچکے ہیں۔

یو این آئی