’کورونا وائرس کے علامات والے مریضوں کو آئبوپروفین نہ دی جائے‘

عالمی ادارہ صحت (ڈبلیو ایچ او) کی جاری کردہ ایڈوائزری کے مطابق کورونا وائرس کی علامات والے مریضوں کو آئبوپروفین (Ibuprofen) ادویات نہ دی جائیں۔

کورونا کے علاج سے متعلق ایڈوائزری میں ڈبلیو ایچ او کا کہنا ہے کہ آئبوپروفین کورونا مریضوں کی حالت زیادہ خراب کرسکتی ہے۔

ایمرجنسی پروگرام ڈبلیو ایچ او کے ایگزیکٹیو ڈائرکٹر نے تمام ملکوں سے کورونا وائرس ٹسٹ کی تعداد بڑھانے کی درخواست کی اور ساتھ ہی ہیلتھ ورکرز کے حفاظتی آلات کے بغیر کام کرنے پر خطرات سے خبردار بھی کیا۔

کورونا وائرس کی وجہ سے دنیا بھر میں اب تک تقریباً 8 ہزار 758 افراد ہلاک جبکہ 2 لاکھ سے زائد متاثر ہو چکے ہیں۔

اس جان لیوا وائرس نے سب سے زیادہ چین کو متاثر کیا ہے جہاں سے یہ وبا پھیلی تھی، اس کے بعد اٹلی اور ایران متاثر ہوئے ہیں۔