کورونا ویکسین کے لئے 28 ارب ڈالر فراہم کرانے کی اپیل

اقوام متحدہ کے سکریٹری جنرل انتونیو گٹریس نے جی ۔20 کے ممبر ممالک سے اپیل کی ہے کہ وہ کورونا کے تمام مریضوں کے علاج اور کووڈ 19 ویکسین کے لئے 28 ارب ڈالر کی رقم فراہم کرے۔

انتونیو گٹریس نے منگل کے روز جی ۔20 ممبر ممالک کو ایک تحریری خط میں کہا کہ ’’میں جی ۔20 ممالک سے ترقی پذیر ممالک سمیت جن ممالک میں نظام صحت اور معیشت کمزور ہے، ان کے لئے کووڈ 19 ٹولز ایکسلیٹر (اے سی ٹی ایکسلیٹر)، کو ۔ ویکسین اور ضروری طبی اشیا تیار کرنے کے لئے 28 ارب ڈالر کے مالی خلاء کو پر کرنے کی اپیل کرتا ہوں‘‘۔

انہوں نے جی 20 ممالک سے ترقی پذیر ممالک کو کووڈ ۔19 کی وبا سے موثر انداز میں نمٹنے اور عالمی کساد بازاری کے بحران کو روکنے کے لئے فعال بنانے کی اپیل کی ہے۔ اس کے ساتھ ہی انہوں نے ویکسین میں قوم پرستی کی مخالفت کرنے کی بھی تاکید کی ہے۔

قابل ذکر ہے کہ جی 20 ممالک کی 21 اور 22 نومبر کو آن لائن میٹنگ ہونے والی ہے۔