فرانس کی وزارت صحت نے بدھ کے روز یہ اطلاع دی۔ اس دوران کووڈ 19 سے مزید 30 افراد کی ہلاکت کی وجہ سے اس وبا سے مرنے والوں کی تعداد 30794 ہوگئی ہے۔
فرانس میں کورونا انفیکشن کے نئے معاملوں میں اپریل کے وسط سے کمہ آنا شروع ہوئی، لیکن گذشتہ کچھ دنوں سے ملک میں کورونا انفیکشن کے نئے معاملوں میں مسلسل ریکارڈ اضافہ ہورہا ہے۔
فرانس میں کووڈ ۔19 کے 5000 سے زیادہ مریض اسپتالوں میں داخل ہیں، جن میں سے 599 افراد تشویشناک حالت میں ہیں اور وینٹی لیٹر پر ہیں۔
فرانس کے وزیر صحت اولیور ویرن نے حال ہی میں ایک انٹرویو میں کہا تھا کہ گذشتہ دو ہفتوں سے ملک میں کورونا انفیکشن کے نئے معاملوں میں مستقل اضافہ ہورہا ہے جس کی وجہ سے اگلے پندرہ دنوں میں صورتحال مزید خراب ہوسکتی ہے۔
فرانس کی سائنسی کونسل نے ملک میں کورونا انفیکشن کی شرح کو تشویشناک قرار دیتے ہوئے عوامی مقامات پر سخت ضابطے نافذ کرنے کا مشورہ دیا ہے۔ اس کے علاوہ لوگوں سے ماسک پہننے اور جسمانی دوری کے ضابطوں پر سختی سے عمل کرنے کی اپیل کی گئی ہے۔ فرانس کی حکومت آنے والے دنوں میں سخت اقدامات کر سکتی ہے۔