روس: کورونا کے 4774 نئے معاملے سامنے آئے

روس میں گزشتہ 24 گھنٹوں کے دوران کورونا وائرس کے 4774 نئے معاملے سامنے آنے سے ملک میں متاثرین کی تعداد بڑھ کر 62773 ہوگئی ہے۔

نیشنل کورونا وائرس رسپانس سینٹر نے یہ جانکاری دی ہے۔

سینٹر نے بتایا کہ سبھی 4774 نئے متاثرین میں سے ماسکو سٹی سے 1959، ماسکو علاقے سے 688 اور سینٹ پیٹرس برگ سے 191 معاملے سامنے آئے ہیں۔ دارالحکومت ماسکو میں کورونا کے تصدیق شدہ معاملوں کی تعداد 33940 ہوگئی ہے۔

انہوں نے کہا کہ گزشتہ 24 گھنٹوں کے دوران ملک میں کورونا انفیکشن سے 42 لوگوں کی موت ہونے کے ساتھ اس وباء سے مرنے والوں کی تعداد بڑھ کر 555 ہوگئی ہے اور اسی مدت میں 471 لوگوں کو صحت مند ہونے کے ساتھ ہی ملک میں ہسپتال سے چھٹی ہونے والوں کی تعداد 4420 ہوگئی ہے۔