Russia Ukraine War: روس یوکرین جنگ میں اب تک دو ہزار شہری ہلاک

یوکرین کی اسٹیٹ ایمرجنسی سروس کے مطابق روسی حملے میں اب تک 2,000 سے زائد شہری اپنی جانوں سے ہاتھ دھو بیٹھے ہیں، جس میں ہمارے فوجیوں کو شمار نہیں کیا گیا ہے۔ Russia Ukraine War

یوکرین کی ریاستی ایمرجنسی سروس نے بدھ کو کہا کہ روس کے جاری حملے میں 2,000 شہری ہلاک ہوچکے ہیں، جس میں فوجیوں کو شمار نہیں کیا گیا ہے۔" Russia Ukraine War

منگل کو اقوام متحدہ کے ہائی کمیشن برائے انسانی حقوق کے جاری کردہ اعداد و شمار سے مرنے والوں کی تعداد کہیں زیادہ ہے۔ civilians killed in Russia's invasion

روس کے حملے میں اب تک دو ہزار شہری ہلاک ہو چکے ہیں

اقوام متحدہ کے ادارے کا کہنا ہے کہ یوکرین میں 500 کی ہلاکتیں ہوئیں جن میں کم از کم 136 شہری ہلاک اور 400 زخمی ہوئے ہیں۔

روس نے یوکرین پر اپنے حملے کو اس وقت کافی تیز کرتا جارہا ہے جیسے جیسے وہ دارالحکومت کیف کے قریب پہنچ رہا ہے اور ملک کے دوسرے بڑے شہر خارکیف میں بھی اہم عمارتوں کو تباہ کر رہا ہے۔ بدھ کے روز خارکیف میں سٹی کونسل سمیت کئی رہائشی اور سرکاری عمارتوں کو نقصان پہنچایا گیا ہے۔

یوکرین کی اسٹیٹ ایمرجنسی سروس کی جانب سے شیئر کی گئی ایک ویڈیو میں شہر میں نمایاں تباہی دکھائی گئی ہے۔ خارکیف کے علاقائی پولیس ڈیپارٹمنٹ اور خارکیف نیشنل یونیورسٹی پر بدھ کی صبح حملہ ہوا۔

اس سے قبل یوکرینی صدر زیلنسکی نے دعویٰ کیا تھا کہ ماسکو کے حملے کے دوران تقریباً 6000 روسی مارے گئے ہیں اور کریملن کو متنبہ کیا ہے کہ وہ بموں اور فضائی حملوں سے یوکرین کا کنٹرول حاصل نہیں کر سکے گا۔

وہیں روسی وزارت دفاع کے ترجمان ایگور کوناشنکوف نے بدھ کو اطلاع دی کہ روس کے مسلح دستوں نے خصوصی مہم کے دوران یوکرین کے 1502 فوجی ٹھکانوں کو تباہ کردیا ہے۔