سری لنکا میں برقعہ پہننے پر پابندی کا مطالبہ

سری لنکائی حکومت نے حالیہ دہشت گردانہ حملوں میں اپنی سکیورٹی فورسز کی ناکامی پس پشت ڈال کر مسلمانوں خواتین کے برقع پہننے پر پابندی لگانے کے منصوبے پر غور کیا جارہا ہے۔

سری لنکن حکومت کے ذرائع کا کہنا ہے کہ حکام نے مسلم طبقہ کے رہنمائوں سے مشاورت کرکے برقع پر پابندی عائد کرنے پر غور کررہی ہے جبکہ ابھی اس معاملے پر صدر میتھری پالا سریسینا کے ساتھ بات چیت ہورہی ہے-

رپورٹ کے مطابق ذرائع کا کہنا ہے کہ حالیہ دہشت گردانہ حملے میں ملوث متعدد خواتین برقع کا فائدہ اٹھا کر فرار ہوگئیں دریں اثناء حکمران یونائیٹڈ نیشنل پارٹی کے رکن پارلیمان نے بھی ایوان میں برقع پر پابندی عائد کرنے کے لیے ایک قرارداد پیش کی ہے انہوں نے کہا کہ برقع پر پابندی ملک کی بین الاقوامی سکیورٹی ضروریات کو بنیاد بنا کر عائد کی جائے گی۔