حوثی باغیوں نے سعودی کے تیل فیسیلٹی پر حملے کی ذمہ داری قبول کی

یمن میں حوثی باغیوں کے خلاف سعودی عرب کی کارروائی مہنگی ثابت ہو رہی ہے۔ حوثی باغیوں نے سعودی عرب سے بدلہ لینے کی غرض سے سعودی کے تیل فیسیلٹی پر حملہ کر دیا، جس سے سعودی معاشی نظام پر اثر پڑے گا۔

یمن کے حوثی باغیوں کی جانب سے فائر کیے جانے والے کروز میزائل سے پیر کو سعودی عرب کے بندرگاہی شہر جدہ میں سعودی عرب کی تیل فیسیلٹی کو مبینہ طور پر نشانہ بنایا گیا۔

پلانیٹ لیبز کے ذریعہ پیر کے روز جاری کردہ سیٹلائٹ کی تصویر میں دکھایا گیا ہے کہ فیسیلٹی کے ایک ٹینک کو نقصان پہنچا ہے۔

سعودی عرب کی تیل فیسیلٹی جدہ کے شاہ عبد العزیز بین الاقوامی ہوائی اڈے کے بالکل جنوب مشرق میں واقع ہے۔

حوثی فوج کے ترجمان بریگیڈیئر جنرل یحی ساری نے مبینہ حملے کی ذمہ داری قبول کرتے ہوئے ٹویٹ کیا کہ باغیوں نے اس فیسیلٹی پر نیا قدس -2 کروز میزائل فائر کیا۔

یہ مبینہ حملہ سعودی عرب میں ورچوئل جی 20 سربراہی اجلاس کے کچھ گھنٹوں بعد کیا گیا۔

سعودی عرب نے فوری طور پر کسی حملے کا اعتراف نہیں کیا ہے، لیکن ویڈیو اور سیٹیلائٹ کی تصویر سوشل میڈیا پر گردش کر رہی ہے