خانہ کعبہ کے الوداعی طواف کے بعد حجاج اپنی اپنی قیام گاہ لوٹ گئے

کورونا سے متاثر ماحول میں تمام تر احتیاطی تقاضوں کو پورا کرتے ہوئے حجاج کرام نے مناسک حج کی ادائیگی کی تکمیل کے بعد آج خانہ کعبہ کا الوداعی طواف کیا اور پھر اپنی اپنی قیام گاہوں کی طرف لوٹ گئے عودی عرب کی مذہبی امور کی وزارت کے مطابق مناسک حج کے آخری مراحل میں حجاج نے تمام احتیاطی تدابیر اور سماجی فاصلے کے نظم کو قائم رکھتے ہوئے کل بروز اتوار تینوں جمرات کی رمی میں پوررے جوش و جذبے کیساتھ حصہ لیا۔

سعودی وزارت صحت کے مطابق حج کے دوران کسی حاجی میں کورونا کی تشخیص نہیں ہوئی ہے۔

سعودی وزارت صحت کے مطابق حجاج کرام کو طواف زیارہ کے بعد 14 روز تک قرنطینہ اختیار کرنا پڑے گا، متعدد حجاج اپنے گھروں پر طے شدہ پروگرام کے مطابق الگ تھلگ رہیں گے جبکہ جو حاجی مکہ کے ہوٹلز میں مقیم تھے انہیں وہیں آئسولیشن میں رکھا جائے گا۔

سعودی عرب میں اس سال کورونا وائرس کی وبا کے پیش نظر انتہائی محدود پیمانے پر فریضہ حج کی ادائیگی کا اہتمام کیا گیا تھا۔