بچوں کو ماسک لگانے کا مشورہ

ڈبلیو ایچ او نے کہا کہ ابھی تک یہ معلوم نہیں ہوسکا ہے کہ بچوں میں کورونا وائرس کیسے پھیلتا ہے، لیکن اس کے پختہ شواہد موجود ہیں کہ کورونا وائرس بڑوں کی طرح نوعمروں میں بھی پھیل سکتا ہے۔

عالمی ادارہ صحت نے کہا ہے کہ کورونا وائرس کو روکنے کے لئے 12 برس یا اس سے زائد عمر کے بچوں کو بڑوں کی طرح ماسک پہننا چاہئے۔

ڈبلیو ایچ او نے ہفتے کو 12 برس یا اس سے زائد عمر کے بچوں کے لئے ماسک پہننے کے بارے میں نئے اصول جاری کئے ہیں۔ ڈبلیو ایچ او کے مطابق مختلف ممالک میں بڑوں کے ماسک پہننے کے اصولوں کا اطلاق بچوں پر بھی ہونا چاہئے۔

ڈبلیو ایچ او نے کہا کہ ابھی تک یہ معلوم نہیں ہوسکا ہے کہ بچوں میں کورونا وائرس کیسے پھیلتا ہے، لیکن اس کے پختہ شواہد موجود ہیں کہ کورونا وائرس بڑوں کی طرح نوعمروں میں بھی پھیل سکتا ہے۔

ڈبلیو ایچ او کے مطابق پانچ برس سے کم عمرکے بچوں کو ماسک نہیں پہننا چاہئے۔

چھ سے 11 برس کی عمر کے بچوں کیلئے مشورہ دیا گیا ہے کہ فیملی کے ممبران ماسک پہننے اور اتارنے میں بچوں کی مدد کریں۔

ڈبلیو ایچ او نے کہا ہے کہ 60 برس سے کم عمرکے صحتمند افراد کو کپڑے کا ماسک پہننا چاہئے جبکہ بوڑھے اور دیگر امراض میں مبتلا افراد کو میڈیکل ماسک پہننا چاہئے۔