'ملا برادر کو افغان حکومت کے حوالے کرنے کی سخت مخالفت کی تھی': چودھری نثار

چودھری نثار نے کہا ہے کہ وہ اس بات کے حامی تھے کہ پاکستان کو ملا عبدالغنی برادر کے ساتھ اچھا سلوک کرنا چاہیے اور انھیں اپنا ہم نوا بنانا چاہیے۔

پاکستان کے سابق وزیر داخلہ چودھری نثار علی خان نے دعویٰ کیا ہے کہ انہوں نے طالبان کے نائب امیر اور قطر میں سیاسی دفتر کے سربراہ ملا عبدالغنی برادر کو افغان حکومت کے حوالے کرنے کی سخت مخالفت کی تھی۔

جیو نیوز کی ایک رپورٹ کے مطابق چودھری نثار نے کہا ہے کہ وہ اس بات کے حامی تھے کہ پاکستان کو ملا عبدالغنی برادر کے ساتھ اچھا سلوک کرنا چاہیے اور انھیں اپنا ہم نوا بنانا چاہیے۔

سابق وزیر داخلہ کا کہنا تھا انہوں نے ملا عبد الغنی کو افغان حکومت کے حوالے کرنے کی سخت مخالفت کی تھی۔

اس حوالے سے نواز شریف کے مؤقف سے متعلق سوال پر چودھری نثار علی خان نے کہا کہ نواز شریف کا اس حوالے سے کیا مؤقف تھا اس کا جواب خود نواز شریف بہتر طور پر دے سکتے ہیں۔

یو این آئی