'کم جونگ سرجری کے بعد شدید خطرے میں'

قومی سلامتی کونسل اور قومی انٹلیجنس کے ڈائریکٹر کے دفتر نے تاہم اس معاملے پر کوئی تبصرہ کرنے سے گریز کیا ہے

امریکی انٹیلی جنس کے مطابق شمالی کوریا کے رہنما کم جون ان رواں ماہ سرجری کے بعد شدید خطرے کی حالت میں ہیں۔

سی این این نے انٹیلی جنس کے حوالے سے بتایا کہ کم جون اُن گذشتہ 15 اپریل کو اپنے دادا کی سالگرہ کے موقع پر حاضر ہونے سے قاصر رہے تھے۔ وہ چار روز قبل ایک سرکاری میٹنگ میں دیکھے گئے تھے۔

قومی سلامتی کونسل اور قومی انٹلیجنس کے ڈائریکٹر کے دفتر نے تاہم اس معاملے پر کوئی تبصرہ کرنے سے گریز کیا ہے

اس معاملے پر رائے زنی کے لیے سی این این نے سی آئی اے اور اسٹیٹ ڈپارٹمنٹ تک بھی رسائی حاصل کی اور جنوبی کوریا کی جانب سے بھی رائے حاصل کرنے کی کوشش کی۔

خیال رہے کہ جب بھی کم جون ان سرکاری میڈیا سے غائب ہوتے ہیں اس کے بعد سے ہی ان کی صحت سے متعلق افواہوں کا بازار گرم ہو جاتا ہے۔