امریکی ہاوس اسپیکر نینسی پیلوسی ٹرمپ پر شدید ناراض

پیلوسی نے کہا کہ ایران کی 'قدس فورس' کے سربراہ قاسم سلیمانی کو ہلاک کر کے امریکی اقدام نے ایران کے ساتھ کشیدگی میں نہ صرف اضافہ کر دیا ہے، بلکہ امریکی سروس کے ارکان، سفارت کاروں اور دیگر افراد کو بھی خطرے میں ڈال دیا ہے۔

امریکی ایوان کے نمائندگان کی جانب سے رواں ہفتے ایران کے خلاف صدر ٹرمپ کی فوجی کارروائیوں کو محدود کرنے کے لیے ایک قرارداد پر رائے شماری کی جائے گی۔

یہ قرار داد سینیٹ میں سینیٹر ٹم کائن کی طرف سے پیش کردہ قرارداد کی طرح ہے۔

ہاؤس کی اسپیکر نینسی پیلوسی نے فضائی حملے کے دوران جنرل قاسم سلیمانی کی ہلاکت کے بعد دونوں ممالک کے مابین بڑھتے ہوئے تناؤ کے تناظر میں کہا کہ کانگریس کے ممبر کی حیثیت سے امریکی عوام کو محفوظ رکھنا ان کی پہلی ذمہ داری ہے۔

پیلسی کا مزید کہنا ہے کہ انہیں تشویش اس بات کی ہے کہ انتظامیہ نے کانگریس کی مشاورت کے بغیر یہ کام کیا ہے۔ ساتھ ہی آئین کے ذریعہ کانگریس کے جنگی اختیارات کے احترام کے بغیر ایکشن لیا گیا ہے۔

پیلوسی نے کہا کہ ایران کی 'قدس فورس' کے سربراہ قاسم سلیمانی کو ہلاک کر کے امریکی اقدام نے ایران کے ساتھ کشیدگی میں نہ صرف اضافہ کر دیا ہے، بلکہ امریکی سروس کے ارکان، سفارت کاروں اور دیگر افراد کو بھی خطرے میں ڈال دیا ہے۔