پاکستان میں دو بھارتی افراد گرفتار

نیو دہلی اور اسلام آباد کے درمیان جاری رسہ کشی کے درمیان پاکستانی پولیس کی جانب سے دو بھارتی شہریوں کو گرفتار کرنے کا دعویٰ کیا ہے۔

ای ٹی وی بھارت کو حاصل ہوئے پولیس کے کچھ دستاویزات میں دو بھارتی شہریوں کی شناخت، حیدرآباد کے پرشانت ویندام اور مدھیہ پردیش کے واری لال کے طور پر کی گئی، انہیں پاکستان کے بہاولپور میں 14 نومبر کو گرفتار کیا گیا۔

پاکستانی پولیس کے مطابق دو بھارتی شہری غیرقانونی طور پر چولستان میں داخل ہونے کی کوشش کر رہے تھے جبکہ ان کے پاس پاسپورٹ اور ویزا موجود نہیں تھا، انہیں صدر یہازمان منڈی پولیس اسٹیشن کے قریب گرفتار کیا گیا۔

پاکستان میں 2 بھارتی گرفتار

چولستان کا علاقہ راجستھان کے سری گنگا نگر سرحد کے اس پار واقع ہے۔

بھارتی شہریوں کو پاکستانی ایکٹ 1952 کے دفعہ 334-4 کے تحت گرفتار کیا گیا تاہم مقامی پولیس اسٹیشن میں ایف آئی آر درج کی گئی۔

اطلاعات کے مطابق راجستھان میں تیز ریت کے طوفان کی وجہ سے سرحد پر لگے تار ڈھنک جاتے ہیں جس کی وجہ سے لوگ غلطی سے اس پار چلے جاتے ہیں۔ ایسے کئی واقعات میں پاکستانی شہری بھی بھارت آچکے ہیں۔

وزارت خارجہ کی جانب سے اس سلسلہ میں ابھی تک کوئی ردعمل ظاہر نہیں کیا گیا ہے۔