ترکی: ہفتہ کے اختتام پر کرفیو کے نفاذ کا اعلان

ترکی میں کورونا وائرس (کووڈ۔19) کیسز بڑھنے پر حکومت نے ویک اینڈز پر کرفیو لگانے کا اعلان کردیا۔

ترکی کے حکومتی ذرائع کے مطابق کیفے اور ریستوران صرف ڈلیوری سروسز کریں گے۔ اسکولوں میں آن لائن تعلیم سال کے آخر تک جاری رہے گی۔

کورونا پابندیوں کا اعلان کرتے ہوئے ترک صدر طیب اردگان کا کہنا ہے کہ ہم تشویشناک صورتحال سے گزر رہے ہیں'۔

طیب اردگان نے کہا ہے کہ 'کورونا کیسز اور اموات کی تعداد خطرناک حد تک بڑھ گئی ہے'۔

طیب اردوان کا کہنا ہے کہ 'رواں ویک اینڈ سے رات آٹھ بجے سے صبح 10 بجے تک کرفیو ہوا کرے گا'۔

انھوں میں یہ بھی کہا ہے کہ 'صورتحال کنٹرول نہ ہوئی تو پابندیاں مزید سخت کی جا سکتی ہیں'۔

ترکی میں کورونا متاثرین کی تعداد چار لاکھ 21 ہزار سے زیادہ اور اموات 11 ہزار سے بڑھ گئی ہیں۔