امریکی صدر ڈونلڈ ٹرمپ نے ایرانی حکومت سے مطالبہ کیا ہے کہ وہ انسانی حقوق کے گروپز کو اسلامی جمہوریہ میں ہونے والے مظاہروں کی نگرانی کی اجازت دے، جس کے بارے میں حکومت نے یوکرین کے جہاز کو غلطی سے مار گرانے کا اعتراف کیا تھا۔
ٹرمپ نے ایسے افراد کی حمایت میں ٹوئٹ کیا جنہوں نے تہران کی یونیورسٹیز میں جمع ہو کر یوکرین کے طیارے کو غلطی سے مار گرانے کے اعتراف میں ایرانی حکومت کے خلاف احتجاج کیا۔
ٹرمپ نے اپنے ٹوئٹ میں لکھا کہ 'طویل عرصے سے مشکلات کا سامنا کرنے والے بہادر لوگوں کے ساتھ میں اپنے عہدہ صدارت کے ابتدائی ایام سے کھڑا ہوں۔ میری انتظامیہ بھی مستقل آپ کے ساتھ ہے۔ ہم آپ کے احتجاج کو بہت قریب سے دیکھ رہے ہیں، اور ہم آپ کی ہمت سے بہت متاثر ہیں'۔
مظاہرین نے میزائل حملے میں ملوث اہلکاروں کو ان کے عہدوں سے ہٹانے اور مقدمے کی سماعت کا مطالبہ کیا۔
خیال رہے کہ ایران نے گذشتہ ہفتے یوکرین کے ایک مسافر بردار طیارے کو غلطی سے مار گرایا تھا، جس میں 176 افراد ہلاک ہوئے تھے، حالانکہ اس پر ایران نے معافی بھی مانگی ہے، تاہم کناڈا حکومت نے مشروط معافی کا مطالبہ کیا ہے۔