چین میں زلزلہ، تین افراد ہلاک، 60 زخمی

چین کے صوبے سیچوان میں 6.0 شدت کے زلزلہ سے کم از کم تین افراد ہلاک اور 60 دیگر زخمی ہوگئے ہیں۔ زلزلہ کے بعد لوزہو شہر میں دوسرے درجے کے ایمرجنسی رد عمل کو نافذ کر دیا گیا ہے اور کوئلے کی تمام کانوں میں کام روکنے اور کان کنوں کو باہر نکلنے کا حکم دیا گیا ہے۔

چین کے جنوب مغربی صوبے سیچوان کے لوزہو شہر کے لوکسیان کاؤنٹی میں 6.0 شدت کے زلزلہ سے کم از کم تین افراد ہلاک اور 60 دیگر افراد زخمی ہوگئے ہیں، جنھیں اسپتال میں داخل کرایا گیا ہے۔

شہر کے ایمرجنسی مینجمنٹ بیورو کے مطابق اسپتال میں داخل ہونے والے تین زخمیوں کی حالت تشویشناک ہے۔

چین زلزلہ نیٹ ورک سینٹر کے مطابق زلزلہ صبح کے وقت آیا۔ زلزلہ کا مرکز 29.2 ڈگری شمالی عرض البلد اور 105.34 ڈگری مشرقی طول البلد، زمین میں 10 کلومیٹر کی گہرائی میں واقع تھا۔

سیچوان میں زلزلہ ریلیف ہیڈ کوارٹر نے صوبائی حکومت کی طرف سے دوسرے درجے کے ردعمل کو فعال کرنے کی منظوری دے دی ہے۔ یہ چین کا چار درجے کا زلزلہ ایمرجنسی رسپانس سسٹم کا دوسرا بڑا نظام ہے۔

زلزلہ کے بعد لوزہو شہر میں ایک سطح کا ہنگامی ردعمل شروع ہوا، جس میں تقریبا 3،000 ہزار افراد کو بچایا گیا۔ کاؤنٹی کی فوجی ٹاؤن شپ کے ایک گاؤں کے رہائشیوں کے عارضی انخلا کے لیے خیمے لگائے گئے ہیں۔

زلزلہ سے کچھ ٹیلی کمیونیکیشن بیس اسٹیشن وغیرہ کو نقصان پہنچا ہے۔ ریلوے حکام کے مطابق لوزو ہائی اسپیڈ ریلوے اسٹیشن کو بند کر دیا گیا ہے۔ تمام کوئلے کی کانوں کو زیر زمین کام روکنے اور کانوں سے کانکنوں کو نکلنے کا حکم دیا گیا ہے۔

سیچوان زلزلہ انتظامیہ کے نائب سربراہ ژانگ ژی وے نے کہا کہ صوبے میں آنے والا زلزلہ تباہ کن وینچوان زلزلہ اور لوشان زلزلہ، ہوایئنگ پہاڑی کے فیکچر علاقہ سے مختلف ہے۔

(یو این آئی)