امریکہ مغربی ایشیاء سے اپنا اینٹی میزائل سسٹم ہٹانے کا فیصلہ

امریکہ مشرق وسطیٰ میں اپنے اینٹی میزائل سسٹم کی تعداد کو کم کررہا ہے کیونکہ امریکہ، چین اور روس پر اپنی توجہ مرکوز کررہا ہے۔

امریکی اخبار وال اسٹریٹ جرنل نے ذرائع کے حوالے سے اپنی رپورٹ میں یہ اطلاع دی ہے کہ امریکہ مشرق وسطیٰ میں اپنے اینٹی میزائل سسٹم کی تعداد کو کم کررہا ہے کیونکہ امریکہ، چین اور روس پر اپنی توجہ مرکوز کررہا ہے۔ اخبار میں مزید بتایا گیا ہے کہ امریکی محکمہ دفاع کویت، عراق، سعودی عرب اور اردن سے تقریباََ آٹھ پیٹریاٹ اینٹی میزائل بیٹری واپس لے رہا ہے۔ ساتھ ہی ایک ٹرمنل ہائی الٹیٹیوڈ ایریا ڈیفنس سسٹم کو بھی ہٹا رہا ہے۔

اس کے علاوہ مغربی ایشیاء خطے میں تعینات جیٹ فائٹر اسکواڈرن کو بھی کم کررہا ہے۔ امریکہ کے وزیر دفاع لائیڈ آسٹن اور سعودی عرب کے ولی عہد شہزادہ محمد بن سلمان کے درمیان 2 جون کو فون پر ہوئی بات چیت کے بعد امریکہ یہ کارروائی کر رہا ہے۔