طالبان نے افغانستان سے امریکی فوجیوں کے انخلا کےلیے یکم مئی کی آخری تاریخ سے متعلق معاہدے پر عمل کرنے کا امریکہ کو مشورہ دیا۔ طالبان کے مطابق یکم مئی کے بعد بھی امریکی فوجیوں کا افغانستان میں رکنا، معاہدہ کی کھلی خلاف ورزی ہوگی، جس کے خطرناک نتائج برآمد ہوں گے۔
معاہدے کی خلاف ورزی کی صورت میں سخت ردعمل کا اظہار کرنے کی طالبان نے دھمکی دی ہے۔ طالبان نے مزید کہا کہ وہ ’اسلامی حکومت‘ کے اپنے مطالبہ پر قائم ہے۔
وہیں گذشتہ روز امریکی صدر جوبائیڈن نے کہا تھا کہ ’یکم مئی تک افغانستان سے فوجیوں کا انخلا ممکن نہیں ہے۔ امریکی فوج یکم مئی کے بعد بھی افغانستان میں رہے تی تاہم انہوں نے یہ بھی کہا کہ فوج کو زیادہ عرصے تک وہاں رکھنے کا کوئی ارادہ نہیں ہے‘۔
امریکی صدر جوبائیڈن نے وائٹ ہاؤس میں پریس کانفرنس سے خطاب کرتے ہوئے کہا تھا کہ ’ہم افغانستان کو محفوظ اور منظم انداز میں چھوڑنا چاہتے ہیں، ہم افغانستان سے نکلیں گے، لیکن سوال یہ ہے کہ کب نکلیں گے؟