عراق میں امریکی کارروائی کے خلاف دنیا کے مختلف خطوں میں احتجاج ہو رہے ہیں۔ اقوام متحدہ میں شام کے سفیر بشار جعفری نے اس کارروائی کی شدید الفاظ میں مذمت کی ہے۔
ان کا کہنا ہے کہ دکھ اس بات کی ہےکہ امریکہ اپنی عظیم طاقت کا استعمال ایک گینگ کی طرح کر رہا ہے۔
انہوں نے کہا کہ فی الحال ہر کوئی خطے میں امن بحال کرنا چاہتا ہے نہ کہ پریشانی پیدا کرنا۔ کیوں کہ امریکی جابرانہ کارروائی کے نتیجے میں میجر جنرل قاسم سلیمانی اور المہندس کی موت ہوئی ہے۔
نیو یارک میں سلامتی کونسل کے باہر اظہار خیال کرتے ہوئے، بشار جعفری نے امریکی صدر ڈونلڈ ٹرمپ کی کارروائی کی مذمت کی ہے۔
خیال رہے کہ جنرل قاسم سلیمانی ایران کے ایک با اثر شخص تھے، جو پاسداران انقلاب کی ایک اکائی 'القدس' کے جنرل کمانڈر تھے۔ انہیں جمعہ کو عراق کے دارالحکومت بغداد میں علی الصبح انٹرنیشنل ائیرپورٹ کے قریب فضائی حملے میں ہلاک ہو گئے تھے۔
اس معاملے میں ایران کے روحانی رہنما آیت اللہ علی خامنہ ای نے امریکہ کو سخت جواب دینے کی بات کہی ہے۔ اس ہلاکت سے واشنگٹن اور ایران کے مابین پیدا ہونے والے تنازع میں زبردست اضافہ ہوا ہے۔