جنوبی کوریا کا ویکسین کی خریداری کے سمجھوتے پر دستخط

جنوبی کوریا نے اپنے ایک کروڑ 60 لاکھ شہریوں کے لیے کورونا ویکسین خریدنے کی خاطر جانسن اینڈ جانسن اور فائزر کمپنی سے سمجھوتہ کیا ہے۔

میڈیا کے مطابق، جنوبی کوریا ایک کروڑ شہریوں کے لیے فائزر اور 60 لاکھ شہریوں کے لیے جانسن کمپنی سے ویکسین خریدے گا۔ اس سے قبل جنوبی کوریا اسٹرا زینیکا کے ساتھ معاہدہ کرنے کے ساتھ عالمی ادارہ صحت کے عالمی ویکسین پروجیکٹ کوویکس کے ساتھ بھی معاہدے پر غور کر چکا ہے۔

قابل ذکر ہے کہ ایشیائی ممالک سنہ 2021 کی دوسری سہ ماہی میں حفاظتی ٹیکہ کاری مہم شروع کرنے کا ارادہ رکھتے ہیں۔

جان ہاپکنز یونیورسٹی (جے ایچ یو) کے مطابق، اس وقت دنیا بھر میں 7 کروڑ 85 لاکھ سے زیادہ افراد کورونا وائرس سے متاثر ہوچکے ہيں، جن میں سے 17.2 ملین سے زیادہ اموات ہوئی ہيں۔ جنوبی کوریا میں اب تک 52000 افراد کورونا وائرس سے متاثر ہوئے ہیں اور 700 افراد ہلاک ہوچکے ہیں۔