جنوبی کوریا نے ایبولا کے مریضوں کو دی جانے والی روایتی اینٹی انفیکشن دوا ریمڈیسیور کا استعمال عالمی وبا کورونا وائرس (کووڈ-19)کے دو مریضوں پر کیا ہے۔
وزارت صحت کے سنٹر فار ڈیسیز کنٹرول اینڈ پریونشن(کے سی ڈی سی)نے جمعرات کو یہ اطلاع دی۔
کے سی ڈی سی کے مطابق وزارت فوڈ اینڈ ڈرگ پروٹیکشن نے کورونا مریضوں کے علاج میں ریمڈیسیور کے استعمال کے لئے جون کے آغاز میں ہنگامی فیصلہ کیا تھا۔
یونہاپ نیوزایجنسی نے کے سی ڈی سی کے حوالے سے اپنی رپورٹ میں بتایا کہ ریمیڈیسیورکا استعمال ان مریضوں پر کیا گیا ،جنہیں آکسیجن کی ضرورت تھی۔
امریکہ کے گلیڈ سائنس کے ذریعہ تیار کردہ ریمڈیسیور کا استعمال ابتدا میں ہیپاٹائٹس سی کے علاج میں کیا گیا تھا ، لیکن بعد میں ایبولا ، سارس اور مارس جیسی بیماریوں میں بھی استعمال کیا جانے لگا۔
کورونا کی وبا کے بعد ،ریمڈیسیور کا استعمال اس کے علاج میں کیا جانا بحث کا موضوع بنا ہوا ہے۔