پاکستان میں کورونا وائرس کے چھٹے معاملے کی تصدیق

پاکستان میں کورونا وائرس کا ایک اور معاملہ سامنے آنے کے بعد کل تصدیق شدہ معاملوں کی تعداد چھ ہوگئی ہے۔ وزیراعظم کے خصوصی اسسٹنٹ (طبی معاملے) ظفر مرزا نے جمعرات دیر رات یہ اطلاع دی۔

ظفر مرزا نے ٹویٹ کرکے کہا 'مریض جنوبی صوبے کا ہے اور اس کی حالت بہتر ہے اور علاج کیاجارہا ہے'۔

پاکستان میں کورونا وائرس کے چھٹے معاملے کی تصدیق

طبی اہلکاروں نے بتایا کہ یہ معاملہ کراچی میں سامنے آیا تھا اور اس کے گھروالوں کو الگ رکھاگیا ہے اور ڈاکٹر مسلسل ان کی جانچ کررہے ہیں۔

مقامی میڈیا رپورٹ میں کہا گیا ہے کہ یہ مریض 69 سال کا ہے اور وہ 25 فروری کو ایران سے لوٹا تھا۔ اس کے خون کے نمونوں کو جانچ کے لئے تجربہ گاہ بھیجا گیا جہاں اس کی رپورٹ پازیٹو آئی ہے۔

سندھ صوبے میں یہ تیسرا معاملہ ہے اور دیگر تین مریضوں کا دارالحکومت اسلام آباد میں علاج چل رہا ہے۔ پاکستان اس بیماری کی روک تھام کے لیے ضروری قدم اٹھارہا ہے۔ سندھ میں سبھی تعلیمی اداروں کو15مارچ تک بند کردیا گیا ہے۔