عراق میں ایک گاؤں کے انتظامی سربراہ سمیت 6 افراد کا قتل

حملہ آوروں نے اپنی رائفل سے اندھا دھند فائرنگ کر کے گاوں کے سربراہ علی مخالف، ان کے 4 بیٹوں اور بھتیجے کو گولی مار کر قتل کر دیا ۔ اس کے بعد وہ نزدکی باغات میں بھاگ گئے۔

عراق کے صوبہ صلاح الدین میں نامعلوم بندوق برداروں نے ایک گاؤں کے انتظامی سربراہ اور ان کے کنبہ کے 5 افراد کو گولی مار کر قتل کر دیا۔

صوبائی پولیس کے ذرائع نے ہفتے کے روز بتایا کہ جمعہ کی دیر رات کچھ مسلح افراد دارالحکومت بغداد سے 120 کلومیٹر شمال میں واقع سامرا شہر کے شمال مشرق میں سموم گاؤں کے انتظامی سربراہ علی مخالف کے گھر میں گھس گئے ۔

حملہ آوروں نے اپنی رائفل سے اندھا دھند فائرنگ کر کے مسٹر علی مخالف، اس کے چار بیٹوں اور بھتیجے کو گولی مار کر قتل کر دیا ۔ اس کے بعد وہ نزدکی باغات میں بھاگ گئے۔

انہوں نے بتایا کہ عراقی سکیورٹی فورس نے جائے وقوعہ پر پہنچ کر معاملے کی جانچ شروع کردی ہے ۔